Laborantza ikasketak egin bitartean, baserrian aita laguntzeaz arduratzen da. Etorkizun batean laborari gisa bizi ahal izateko ametsarekin, laborantza munduari eta elikadura burujabetzari buruzko ikusmoldea partekatu digu.
Munduko txapeldun MMA amateur mailan, kirol honen txapelaz atzekoaren berri eman digu Ximunek. Entrenamenduak egun oro, zauriak, ametsak… emozioz betetzen du kirolaria kaiola barneko borroka kirol honetan aritzeak.
Korrika pasa den honetan, euskaraz bizi ahal izateko lana egunez egunekoa dela azpimarratu du Egoitz Urrutikoetxeak. Xiberua ardatz hartuta, orain arte egindakoaren eta gerora begira egin daitekeenaren inguruko gogoetak partekatu dizkigu.
Txikitako ametsa errealitate bihurtzea lortu du Zibel Damestoy dantzariak, Bilaka kolektiboan dantzari profesional gisa bizi baita. Artetik abiatuta mundua ikusteko modua partekatu digu gaurkoan.
Errealitatea artean islatzen du Annie Etxepare zuberotarrak. Argazkilaritza BTSa eta Arte Ederrak egin zituenetik, margoketa, josketa, lino zizelkadura… arte espresio anitzak ditu eguneroko langai.
BHO ezizenaren bidez, bere sentimendu, pentsamendu eta bizipenak errima artean azaleratzen ditu. Hip hop kulturak gaurko gazteriari zein gazteriak estilo honi egiten dion ekarpena azaldu dizkigu.
Txikitatik sentitu duen ahots eta soinuarekiko pasioa lanbide bihurtzea ahalbidetu dio irratiak. Hiru probintzietako langile eta laguntzaileen bidez, bertako jendeak lekuko informazioa transmititzearen garrantzia azpimarratu du. Horrela, Gure Irratiak larunbat honetan zortzi orduko zuzeneko bat eginen duela azaldu du, iparraldeko bost irratietako ahotsen bidez transmisio hau berrogei urtez bermatu dela ospatzeko.
23 urtetako baionarra Miarritzeko AEK-ko didaktika arduraduna da. AEK eta korrikaren atzean dagoen lana erakutsi digu. Horretarako, gau eskolaz gau eskola eraman gaitu, euskara ikasteko bidean egiten diren pausuak erakutsiz; aurtengo korrika ere horixe egitera datorrela azaldu du.
Ipar Euskal Herrian etxebizitza bat atxemateko izan zituen arazoetatik abiatuta, egoeraren larritasunarekiko kontzientzia piztu zitzaion. Modu honetan, behin instalatuta, gaiaren inguruan hausnartzen zein militatzen hasi zen, beranduegi izan baino lehen gauzak aldatzeko itxaropenarekin.
Juana eta Ddiddue anai-arrebek eginiko arropa markaren sorreratik orain arte egindako ibilbidea azaldu digute. Zuberoako material birtziklatutik abiatuta, Frantzia mailako izen-handiko marken heineko modaren parte dira orain.
